Dä Satz isch üs während de erste Lektion i de Bruefsschuel mit uf de Wäg gä worde und begleitet mich bis hüt. Mir isches uh wichtig, d'Auge immer offe z'bhalte zum die ville schöne Detail und Momänte z'gseh, wo üs d'Natur bütet. Us de Natur chame so vill lehre - me mues nur gnau here luege...

 

Mich het de Bruef Floristin scho sehr früeh fasziniert. Us dene ville verschidene Blueme öppis Neus z'erschaffe, underschidlichi Materialie und die unzählige Farbnuance ufenand abzstimme, erfüllt mich immer wieder mit Freud, wo ich gern mit eu teile.

​

Im Summer 2010 han ich d'Lehr als Floristin agfange und 3 Jahr spöter erfolgrich dörfe abschlüsse. I de 5 Jahr noch minere Usbildig han ich i verschidene Betrieb wiiteri Erfahrige dörfe sammle und mich wiiter entwickle.

​

Im Jahr 2019 han ich denn i mis Projekt Müli Werk dörfe starte mit ganz vill Ideeä und Träum, wo dass de Wäg no chönnti here füehre...

 

Sit do dörf ich, für und mit eu, immer wieder mit vill Liideschaft neui Ideeä und Projekt umsetze.

​

​

​